मेरे लफ्ज़

पता निं  कीऽ
कदें-कदें मेरे लफ्ज़
मेरे मनै अंदर गै घटोइयै दबोई जंदे न
बड़ी कोशश करनी  
काकले दे उप्पर ओह्
बनी एह्सास उतरी जान
वगैर कुसै आखे दे ओह्
समझी लैन कश्मकश ज़िन्दगी दी
पर ओह् मनै इच गै
बनाई लैंदे इक कवता। 

पर काकले दे उप्पर उतरने आस्तै
आनाकानी करदे होई
चुप्प होई जंदे
शैद, मेरी सोच दे दायरे 
हून सिमत होई गे न
ज़िन्दगी दियां उलझना सुलझांदे होई
ते मिगी इ’यां बझोंदा ऐ
केह् मेरे मनै इच बैठे दा जज़्बात आह्ला 
 माह्नू बी म्हेशा आस्तै खमोशी
 दी चादर इच ख़मोश निं होई जाऽ। 
—————————————————