लुप्त होंदी संस्कृति

होआ करदी 
डोगरा संस्कृति
ते
सभ्यता लुप्त
डुग्गर धरत 
ते
समाज डोगरा
कीऽ ऐ चुप्प
दिक्खो-दिक्खी
ते
शोशल मीडिया ने
बनाई दित्ता नकारा
उच्ची ते सुच्ची
संस्कृति मकाइयै
बदेशी, चढ़ै दा पारा
खुशियें च
ब्याहें च
गांदे हे चाएं-चाएं
सुहाग-घोड़ियां
ताई-चाचियां
आंढ-गुआंढी
थ्होंदे हे पतासे
ते
गुड़ै दी रियोड़ियां
घड़ी इक दा
रेही गेदा ब्याह्
नच्चे-त्रप्पे डी.जे पर
ते
सुक्की जंदा साह्
कुसलै बराती औन
ते जा
मुक्कै खलासी
मुक्कै एह् फाई
लामां चार कराइयै
वेद-मऩ्त्र पंडतै
रट्टै राटइयै
दित्ती कुड़ी 
जागतै हत्थ फड़ाई
तारें दी छामां
कुड़ी दित्ती टोरी
निं कोई सिक्ख
निं कोई मत
न पढ़ी कुसै शिक्षा 
जेह्डी पढ़ी जंदी ही जरूरी
समझांदी ही गल्लां कोरी-कोरी
इ‘यां गै 
शिक्षा सनाने दा मुक्का ऐ रवाज 
मुक्की जाना देस डोगरा
ते कौम
मुक्की जानी संस्कृति 
ते साज-बाज़
मुक्की जाना विरसा
जेह्ड़ा हा निग्गा
ते लाजबाव।
————————