लेई जाओ सुकूं बी बख्शीश च भामें
नेईं देओ सीस, कोई दुआऽ मिगी
में बदसीसें च जीना सिक्खी लेआ ऐ
निग्घा हिरख लगदी बद्दुआऽ मिगी ।
लीकरां मिटी गेइयां सब्भै गै
सक्खना गास एह् लब्भै तली हून
भलखोए दे नसीब बी झफलैई गे न कुतै
हारी किस्मत बी खेढी जुआ मिगी।
नीमते साह् बी छुड़ियै चरोकने
जे खबरै केह्ड़े मुल्ख चली गे
जिंद होई गेदी ऐ जन्न मेरी
लाई जोर निं नींदे नुआऽ मिगी।
मित्ती भुर-भरी ही अ’ऊं तां गै ते
घुली जाना मेरी तसीर च हा
समझियै गराह्ड़ ओह् नदान कि’यां
रुढ़ाई गेआ बद्दल मुआ मिगी।
तूं गुमां दी लाठी पकड़ियै भामें
ज्हारां गै बत्तां बदलदा जा
तेरे कदमें शा गासै उड्डरी जाङ
तूं होन तां दे बिंद सुआह् मिगी।
