परतियै इक लैह्र आइयै
खिट्टे पेदी चाल बधाइयै
अपना-आप बचाचै मड़ेओ
मुहै अपने मास्क लाइयै
परतियै इक लैह्र आइयै
खिट्टे पेदी चाल बधाइयै।
जनून एह्दे च मता आया
रग-रग इ’नें जैह्र फलाया
छुड़चै एह्दा लाज कराइयै,
परतियै इक लैह्र आइयै
खिट्टे पेदी चाल बधाइयै।
केईं जुआड़े इन्नै परिवार
बिछड़े मां-बब्ब, पुत्तर, यार
छुड़चै इसगी दुआई संघाइयै
परतियै इक लैह्र आइयै
खिट्टे पेदी चाल बधाइयै।
लेहाज कुसै दा नेईं करा दी
नासें मुहें छाती दड़ा दी
जाना बाह्र मरहक्खा पाइयै
परतियै इक लैह्र आइयै
खिट्टे पेदी चाल बधाइयै।
धोखा देइयै छप्पी बैठी
लांदी ऐ एह् चोरी फराटी
सब्भै रक्खचै सैनीटाइज़र मंगाइयै
परतियै इक लैह्र आइयै
खिट्टे पेदी चाल बधाइयै।
जे एह् लैह्रे तुगी बखार
त्री डोज लोआई तोआर
करोना भ्राऊं गी छोड़ समझाइयै
परतियै इक लैह्र आइयै
खिट्टे पेदी चाल बधाइयै।
सांभ करियै कुंडरियै जायां,
एह्दे कच्छै जान बचायां
छुड़दी मता साह् चड़ाइयै
परतियै इक लैह्र आइयै
खिट्टे पेदी चाल बधाइयै।
—————————
