वक्त सोहामां वक्त
पर लाइयै डुआरी भरदा लग्गै
पलें च बंडोए दा वक्त
घड़ियें च सिमटे दा वक्त
कदें निरदेई ते कदें भला लग्गै
कदें नेईं थमने आह्ला वक्त
अपनें दे कन्नै
कदें खड़ोता ते कदें परतोंदा लग्गै।
बड़ेआई करचै जां नेईं
बे-हद्द वक्त दी बांह्
गुजरे तजरबे कन्नै
भविक्ख गी छपैलियै
एल्लै कन्नै-कन्नै धड़कदा
अग्गें-अग्गें चलने आस्तै प्रेरत करदा
सनातनी चलाएमान
होनी-अनहोनी दा गुआह् बनदा।
वक्त-वक्त दी गल्ल ऐ
कुतै चढ़दा सूरज कुतै चढ़दा चन्न ऐ
कुतै लड़ाई-झगड़े
कुतै स्नेह् दी डूंह्गी छाप ऐ
हर गल्ल दा अपना वक्त
हर पल गी संजोइयै
अट्ठपैह्री दा वक्त-चक्कर
परतक्ख-गैबी दर्शन कराऐ वक्त।
-------------------------
