नतीजा फ्ही उ’ऐ होग, सुनेआ एह् साल बदलोग ।
उ’ऐ हाकम, उ’ऐ गरीब, तसीर एह् कि’यां बदलोग
नतीजा फ्ही उ’ऐ होग, सुनेआ एह् साल बदलोग ।
उ’ऐ कातल कन्नै गोआह्, कि’यां इन्साफ इत्थै होग
दिन म्हीने फ्ही औङन, कि’यां तरीकैं टैम थ्होग
सुनेआ एह् साल बदलोग, नतीजा फ्ही उ’ऐ होग।
परिंदे बी उ’ऐ होङन, शकारी फ्ही जाल बदलोग
बदलनी ऐ, सोच बदलो, न्हेरी रातीं लोs होग
सुनेआ एह् साल बदलोग, नतीजा फ्ही उ’ऐ होग।
जिंदु कन्नै चमकी दी एह् चिच्चड़ी गी छड़काना पौग
सुनाs कुंडरिया, किन्ने साल्लैं हाल साढ़ा एह् बदलोग
सुनेआ एह् साल बदलोग, नतीजा फ्ही उ’ऐ होग।
