मेरी जिंदगी दा थोह्ड़ा हिस्सा उ’दा बी
जि’न्नै मीं जनम दित्ता
ते इस दुनिया कन्नै मेरा मेल कराया।
मेरी जिंदगी दा थोह्ड़ा हिस्सा उ’दा बी
जेह्ड़ा म्हेशा मेरे कन्नै-कन्नै रेहा
ते रक्खेआ मिगी हर मुसीबत कशा दूर।
मेरी जिंदगी दा थोह्ड़ा हिस्सा उं’दा बी
जि’नें मीं सिक्ख-मत्त दित्ती
ते स्हेई-गलत च फर्क करना सखाया।
मेरी जिंदगी दा थोह्ड़ा हिस्सा उं’दा बी
जिं’दे हास्सै,गड़ाके,साथें मिगी
जिंदगी जीना सखाया।
ते थोह्ड़ा सा हिस्सा उं’दा बी
जिं’दे कन्नै मेरी सोच
कदें बी नेईं रली
मेरी जिंदगी दा बस
थोह्ड़ा गै हिस्सा मेरा हा
में सबूरा अपना नेईं हा।
—————————————-
