साधन

किश ब'रे पैह्‌लें
पिंडें-ग्राएं च
घरै च
लोआद होने पर
गौ खरीदी जंदी ही
ते हुन
ए.सी ते इनवर्टर
आह्‌न्ने जंदे न।

साधनें आह्‌ली बक्खी मनुक्खी दौड़
मौसम कन्नै
नेईं लड़ने दी लाचारी गी
दरसांदी ऐ
जे मकाबला करने दे थाह्‌र
हथेआर सु’ट्टी ओड़ना
मौसम अग्गें
मजबूरी बी ऐ
ते
शान बी समझी जंदी ऐ अजकल्ल।

फर्क इन्ना गै
पैह्‌लें लोआदी गी
निग्गर बनाने दे
हीले होंदे हे सारे
ते हुन
जिंद कमज़ोर करने दे
प्रयास न सब्भै
साधनें राहें।