सिफर दे कन्हाड़े परा ख’ल्ल उतरी इक थमां नौ दा सफर फ्ही रींह्गो-रींह्ग इक शा नौ तक्कर अग्गें सिफर फ्ही द्हाकें दे सफर कोई बिच्च-मझाटै होई जंदा सिफर कोई छैंह्दे छैंह्दे भाएं बौंह्दा जाई कन्हाड़ै सैकड़े दे फ्ही बी सिफर एह् द्हाकें दे सफर मतबातर जारी । सिफर दी बंदशें दे अंदर उमरी दी तसवीह् पर साहें दी र्होली जीवन गी जपदे सोह्गे रौह्ना इ’यां जि’यां कुसै सिद्ध मैंतरैं नै संपुट दा मेल !
OUR AUTHORS
