सीमा

हर घर दी सीमा ऐ
अपनी सीमा च असें रौह्‌ना ऐ
उस्सै च अस बसदे आं
उस्सै च अस बचदे आं।

अपने घरै उप्पर असेंगी मान ऐ   
इ’दा असेंगी सनमान ऐ
इस सीमा च देखा-देखी
लक्ष्मण-रेखा मजूदा दौर दी।

उ’आं कुसै कन्नै बैर नेईं
सीमा लुआंघियै खैर नेईं
घरै च सुख दा साथ इत्थें
सभनें गी रमान इत्थें।

हास्सा-गड़ाका-किलकारी इत्थें
सैह॒योग-भागीदारी इत्थें
दुखै दा तोड़ इत्थें
सुखै दा जोड़ इत्थें।

बचाऽ दी बवस्था इत्थें
मसलें दा नबेड़ा इत्थें
सरबंधें च स्हारा इत्थें
बज्झने च बचाऽ इत्थें।
              -----------------