सोचें दे हाड़

पूरी रात मता शोर रेहा
शां-शां अंधी-झक्खड़ झुल्लने दा
कंढे लोआंघियै दरेआ च हाड़ै दा
गड़-गड़ गर्जने दा
बिजली लिश्कने दा
बांह्‌में च सिर देई सर्‌हैनै मुंह्-सिर लपेटी
बडले गी बलगदे त्राहें-त्राहें रात कटदे
न्हेरा मुक्कने दी हीखी अक्ख गुहाड़ी
बाह्‌र ते सब किश चुप्प-चपीता
अपने सुख-दुख अपने तक्कर रक्खियै
जित्त-हार दे चक्करै थमां परैं
अपने गै सोआसें दे अंधी-झक्खड़
चेतें दे बवंडर थमां
निकलने गित्तै हत्थ-पैर मारा दे हे।
                 -------------------------