फुल्लैं बास

कुड़-कुड़, चुड़-चुड़ छोड़, मड़ी
आ, गल्लां करचै दौं घड़ी ।

इस उमरी निं चंगे लगदे
गुस्सा थुक्क ते बोल, मड़ी ।

मी गुआंढन दिखदी जेल्लै
तूं की होन्नीं लाल, मड़ी ।

में तेरा आं, तेरा रौह्‌ना
की पान्नीं परचोल, मड़ी?

दिल तेरा ऐ समुंदर
नेईं छप्पड़ु नै तोल, मड़ी ।

आ, चित लाचै ओह्‌दे कन्नै
मोह्-माया तूं छोड़, मड़ी ।

पल-पल साढ़ा मुकदा जा दा
मैल मना दी घोल, मड़ी ।

आ, दोऐ हुन इक होई जाचै
जि’यां फुल्लैं बास, मड़ी ।.