लोक गलांदे औंदा नेईं
मां-प्यो कश बौंह्दा नेईं
अपने होए गैर, अड़िये ।
नौकर होऐ बेह्ल्ला नेईं
घर आवै सबेल्ला नेईं
बिज़ी चौनें पैह्र, अड़िये
बिज़ी चौनें पैह्र ।
सौन म्हीनै पींह्गां पेइयां
त्रीमत पुच्छै छुट्टियां लेइयां
शमानै चढ़ेआ कैह़्र, अड़िये
शमानै चढ़ेआ कैह़्र।
कुसै कारज जाना नेईं
हून जरोंदा ताह्न्ना नेईं
कुसने पुच्छनी खैर, अड़िये
कुसने पुच्छनी खैर !
घर लगदा मन नेईं
रूह् ते होंदी तन नेईं
फरैन्तु होए पैर, अड़िये
फरैन्तु होए पैर ।
स’ञ होई, घरोई नेईं
जिंद हून नरोई नेईं
कि’यां करनी सैर, अड़िये
कि’यां करनी सैर !
रब्बा, तेरा शुक्र करनां
इत्थें जीना, इत्थें मरना
नेईं कुसै नै बैर, अड़िये
नेईं कुसै नै बैर ।
