मुद्दत बाद, मुद्दत तक
जीने दी सोचदा कोई
बरखा बाद,बरखा तक
पीने दी सोचदा कोई
बो
साकी लुतरा अश्कै
प्यालें दी भ्याली च
भ्यालें दी प्याली च
बंडदा अमरती बूंदां
बैतल, बेख्याली च
इ'नें कनियें दे
कण-कण शा
इ'नें कलियें दे
तन-मन शा
भलेआं बेखबर इ'यां
न्याना मित्तियै गी बीबी
समझी लै कोई जि'यां
भरमली दर भरमली च
भीड़ै दी कव्वाली च
जो खिल्लरा दे,डु’ल्ला दे
कुसै माला दे मोती न
कुसै तसबीह् दे मनके न
'बुल्ली' बुल्लें चा जो छलके
'कबीरी' काह्न्नी चा ढलके न
अचरदे बिरले जातैं जो
विचरदे बिरले साथैं जो
मरियम न जां मीरा न
पवित्र हिरखी सीरां न
बो
फट्टी दी अड्डियें आंह्गर
सोचां सुट्ट आटा जन
दर्हेड़न जद सुच्चे गलाफें गी
तरकालें बाद तरकालें तक
सीने दी
सोचदा कोई ?
