किश नेईं दिखदे होई बी दिखदियां रौंह्दियां न अक्खियां दिल-दमाकै दे अंगनै इच्च चुप्पी दी विस्फोटक प्रक्रिया चलदी रौंह्दी ऐ निरंतर खिड़दे-झड़दे रौंह्दे न फुल्ल-पत्तर ज़ैह्नी बगीचें च चेतें दियां खशबोइयां भरी लैंदियां न कलाबें च करदा रौंह्दा शरीर लाडले गिल्लू आंह्गर शकैता अपनी बेगौरी दियां बेअवाज़ ,ब’रदी रौंह्दी निक्की-निक्की हिरखी रुनझुन गले दी फाही जन, जीवनै दे द्वंद ! उत्सवें दी गैह्मो-गैह्मी हरिकाम । ओहो! किन्ना मुशकल ऐ करना आराम !.
OUR AUTHORS
