भर दपैह्रीं इट्टां बनकांदे लुक्कां पांदे बदानै दी पुरजोर टनकोरै कन्नै कुप्पड़ें दा मान मिट्टी च रलांदे रस्ते बछांदे ओह् सुद्धी रत्त लांदा ऐ बेशक जुस्सा मुहांदा ऐ पर अपनी मुस्कान नेईं गुआंदा । स’ञां ’लै घर परतोंदे कुसै कन्नै बी राम-सत्त होंदे ओह् हसदे मत्थै मिलदा ऐ घर आई अपने टब्बरै दी सांझी मुग्घनी च सबर-समोध दी सुद्धी भनकट पांदा ऐ । जो कमांदा ऐ ओह्दे नै घर चलांदा ऐ सबर-समोध ते उसदी बाद्धू कमाई ऐ जो उसने अपने माड़े दिनें तै हंडने गित्तै बचाई ऐ ।
OUR AUTHORS
