सगातां

खट्टे-मिट्ठे बैर
बरेतियें दे खंदे रौह्‌ना
सूह्‌टा कड्ढी पानी पीना
किक्करें दी फलियें दी
बालियां बनांदे रौह्‌ना
पिप्पलै दे पत्तरें दे 
कोकलुं बनांदे रौह्‌ना
चिड़ियें दे आह्‌लड़ें दे 
मुकट बनाई लैने

फ्ही 
कुसै निक्की नेही गल्लै पर 
लड़ी पौना 
रुस्सी जाना 
खेढै इच रोल पाने
दूर जाइयै बेही जाना 

फ्ही
आपूं -आपूं  हस्सी पौना 
मन्नी जाना 
खेढै इच रली जाना 

अज्ज बी मैं याद करी
आपूं -आपूं हस्सी पौन्नां 
दस्सो यरो, 
तुं’दियां सगातां 
कि’यां भुल्ली जां मैं?