बुलबुल चैह्की बाड़ी मैह्की
पलचोई मित्तरें दी मित्तरी च
चालें दी पटका-पटकी च
लंगड़ी चाल च इऱयां पछाड़ी
बुलबुल चित्त पेई चबक्खी
पुच्छे ते पुच्छे जंगलवासी
भला किस्सी बनन चली नग्गरवासी।
संझोल जां चौरै-पैह्र
मशीनें दा बधदा शोर, परैं करै चितचोर
उड्दा पक्खरू जंगलवासी
नेईं पुच्छै तां जान्नै नेईं,
पुच्छै तां पेई परचोल
जखमी जंगलै परतोई, मिट्टियै लपटोई
मलाइयै मिट्टी खरी-भली होई
अपनी गै धुन बुलबुल मस्त होई
जिसलै ओह् चैह्की, बाड़ी मैह्की
कैंची चाल जां लंगड़ी चाल
जंगलवासी तेरे साथी
होन नेईं देङन हाल-बे-हाल
चलै कोई कनेही बी चाल।
-------------------------
