चिट्टी कुक्कड़ी, चिट्टे पैर
चल मेरी कुक्कड़ी शैह्॒रो-शैह॔र
कुक्कड़ूं-कड़ू करदी जा, नेही बांग दिंदी जा
जिंद मुस्कान ऐ, मुस्काई जा, मुस्काई जा।
आस्तक आं तां पुन्न समझियै
धरमी कम्म नभांदे जींदी जा
नास्तक आं तां पाप-पुन्न दे
अंधविश्वासें दा खातमां करदी जा।
जिंदा होने दा ऐह्सास करांदी जा
र्हान- परेशान गी रमान दिंदी जा
जिच्चर जीना ऐ उच्चर खरा जीने गित्तै
जनम दी बजह, जीने दा तत्त समझांदी जा।
चल फ्ही कुक्कड़ी हो तेआर
चल परतियै शैह्रो-शैह्र
कुक्कड़ू-कड़ूं, कुक्कड़ू-कड़ूं करदी जा
शैह्रों-शैह्र चलदी जा।
