इक बचपन दा जमान्ना हा
ओह् खुशियें दा खजान्ना हा
हीखी चन्न पाने दी ही
दिल तितली दा दीवाना हा
ओह् खुशियें दा खजान्ना हा
इक बचपन दा जमान्ना हा ।
हुट्टे-लेरे औंदे स्कूला दा
फ्ही खेढने गी बी जाना हा
बरखा च काकल दी किश्ती
हर मौसम बड़ा सुहाना हा
ओह् खुशियें दा खजान्ना हा
इक बचपन दा जमान्ना हा ।
उस खेल च ओह् साथी हे
चंगा ओह् रिश्ता नभाना हा
पट्टी उप्पर लिखना, पोचा मारदे
मास्टर दा पक्का लखाना हा
ओह् खुशियें दा खजान्ना हा
इक बचपन दा जमान्ना हा ।
रोने दी वजह कोई निं ही
नेईं हस्सने दा, नेईं ब्हान्ना हा
इक दुए दी गल्ल स्हारदे
बुढ़ापे दा नगमा गाना हा
ओह् नेईं ‘कुंडरिया’ जिंदगी
जेह्ड़ा पौंगरें दा जमान्ना हा
ओह् खुशियें दा खजान्ना हा
इक बचपन दा जमान्ना हा ।
