आओ, बच्चे सारें मिलियै जन-जन गी समझाना ऐ
अनपढ़ साढ़ा र’वै निं साथी, घर-घर पाठ पढ़ाना ऐ
आओ, बच्चे सारें मिलियै जन-जन गी समझाना ऐ ।
खून-पसीने दी मेह्नत दी करी कमाई खानी ऐ
भुक्खा साढ़ा सोऐ निं साथी ऐसी फसल उगानी ऐ
सौन दी बदली बनियै ब'रना, हरा होई जाऽ बाना ऐ
आओ, बच्चे सारें मिलियै जन-जन गी समझाना ऐ ।
भ्रश्टाचार ते रिश्वतखोरी सारें मिलियै मटानी ऐ
फुट्टै नेईं कोई इं’दी पौंगर ऐसी हल चलानी ऐ
बीऽ हिरखै दा लाइयै असैं घर-घर हिरख पजाना ऐ
आओ, बच्चे सारें मिलियै जन-जन गी समझाना ऐ ।
भारत दे असें सूरज बनना, बनना चन्न-सितारे जी
दीन-दुखी दी सेवा करनी बनियै श्रवण प्यारे जी
लाठी बनियै बापू दी असें हर कोई रस्ता पाना ऐ
आओ, बच्चे सारें मिलियै जन-जन गी समझाना ऐ
असें गै मंगल-चन्ना जाई झंडा जाई ल्हराना ऐ
पढ़ी-लिखी असें डॉक्टर बनना, फौजै इच्च नांऽ कमाना ऐ
जोतै कन्नै जोत जगाई घर-घर दीE जगाना ऐ
आओ, बच्चे सारें मिलियै जन-जन गी समझाना ऐ ।
———-———————-
