कट्ट-कॉपी-पेस्ट--
हून सलैक्ट्- कट्ट-कॉपी-पेस्ट अक्खर बनांदे न
किश दाग मटाइयै, किश मुटाव भुलांदे न
किश दूरी घटाइयै, किश मजबूरी मटांदे न
अपने गै लिखे उप्पर, डलीट एह् पांदे न।
हून सलैक्ट्- कट्ट-कॉपी-पेस्ट अक्खर बनांदे न
ऐह्सासें, चेतें दे परते परतांदे न
सैंसा बधाइयै, टीसां बी पांदे न
पराना बिस्सरेआ, नौआं करांदे न।
हून सलैक्ट्- कट्ट-कॉपी-पेस्ट अक्खर बनांदे न
कदें रुसल्ला बी औंदे, कदें हास्सा बी आह्नदे न
मेल बी नेईं करांदे, बछोड़े बी नेईं पांदे न
इक क्लिक च कुतै लेई जंदे न।
हून सलैक्ट्- कट्ट-कॉपी-पेस्ट् अक्खर बनांदे न
बरेसड़ दुनिया च मता किश दर्शांदे न
रिश्तें दी तालमां फेर-बदल इच
चोनमां ऐह्सास नौईं तकनीक अपनांदे न।
---------------------------
