मत्त--
ब'रा बीहो -बीह्
देई गेआ
इक बड्डी सिक्ख—
उच्ची ते सुच्ची ऐ
सभनें थमां कुदरत
करोना नांऽ दी
महामारी कशा
सिर खुरकने दी
थ्होई नेईं फुरसत
लक्खां गे मरी
केइयें मौता अग्गें
बछाई दी दरी
फ्ही बी
समझै निं मनुक्ख
बिन मास्क
बिन समाजिक छिंडै
बे-फिकरा
पुजाऽ दा लोकें गी दुख
बे-लगाम होई गेदा
फिरदा
गड्डियें च
बजारें, दकानें च
ते
ब्याहें च
पता निं
कु'न केह्ड़ा
कुतै
करोना समेटियै बैठे दा
अंदर साहें च
इस करी
घर बेहियै खा मनुक्खा
इम्युनिटी आह्ली चूरी
मास्क समाजिक छिंडा
ते
बार-बार हत्थ धोना
ऐ बड़ा जरूरी
समझ निं भाई
इसगी मजबूरी
ब' रा बीहो - बीह् ...।
———————
