जिंदे, जाना बाबल जी दे पास
असें जाना, असें जाना बाबल जी दे पास।
जिस गोदी बिच्च प्रीत बसोऐ
जे देस, धर्म नां जात गै होऐ
राजा, रंक नां दास
जी, असें जाना बाबल जी दे पास
जिंदे, जाना बाबल जी दे पास ।
नां इत्त कंढै, नां उत्त पारा
हर बेल्लै ओह् हर इक थाह्रा
धरत, पतालैं, गास,
जी, असें जाना बाबल जी दे पास
जिंदे, जाना बाबल जी दे पास ।
आस-नरास नां दुख-सुख जित्थें
म्हीने, साल नां गिनतरी तित्थें
वक्त दा नेईं आभास
जी, असें जाना बाबल जी दे पास
जिंदे, जाना बाबल जी दे पास ।
धर्मी बाबल धर्म कमांदा
मित्ती दे बिच्च जीवन पांदा
जीने दी परवास
जी, असें जाना बाबल जी दे पास
जिंदे, जाना बाबल जी दे पास ।
सुख-सम्रिद्ध सदा इस्सी करेओ
धरती पर हरेआली धरेओ
बस्स इन्नी अरदास
जी, असें जाना बाबल जी दे पास
जिंदे, जाना बाबल जी दे पास ।
