मिठ्ठी-मिठ्ठी गल्लें कन्नै मन भरमान्नी ऐं
अग्ग फ्ही कलेजड़े च हिरखै दी लान्नी ऐं।
गल्लें-गल्लें रुस्सी बोह्नी करनी चलाकियां
तेरियां चलाकियां न सब असें भाखियां
मिठ्ठे-मिठ्ठे लारे लाई मत्तू की बनान्नी ऐं।
गोका दुध्द पीनी गड़काई -गड़काइयै
कोमल मलाई ताईंयै मुंहा पर आइयै
लस्सी साहीं जिगरे बी छोल्ली तूं टकान्नी ऐं।
असें तेरे राहें 'किप्पी' नैन बछाने न
हिरखै दे गीतड़ू बी तेरे ताईं गाने न
कि’न्ना चिर दिक्खना तूं मन तरसान्नी ऐं।
अग्ग फ्ही कलेजड़े च हिरखै दी लान्नी ऐं
मिठ्ठी-मिठ्ठी गल्लें कन्नै मन भरमान्नी ऐं ।
——————————
