नींदर, गूढ़ी नींदर जां सुतनींदरां
मनै दी दरेड़ बुनतरां
कदें फिकरमंद ते कदें सुखना बांगरा
एह् सुखने किस्सी औन्दे न।
सच्च-झूठ दी खौजे, सुख-दुख दी मौजे
किश झूठ गै लगदे, कदे सच्च बी बझोंदे
कदें टीसां बी पांदे, कदें दलासा बी दिंदे
एह् सुखने किस्सी औंदे न।
कुंगला ऐह्सास जित्थुआं बी औंदे
अक्खियें इच बस्सना चांह्दे
अक्ख खुल्लदे गैब होई जन्दे
एह् सुखने किस्सी औंदे न।
पसिंद-नापसिंद दर्शन करांदे
पसिंद-नापसिंद गुंझलै पाइयै
इ’यां गै जीवन-फलसफा समझांदे
एह् सुखने किस्सी औंदे न।
खोजी मन विश्लेशन करदे-करांदे
विज्ञानक सच्च जां जजबाती बझोका
नाजक-खेआली च परचोल पांदे
एह् सुखने किस्सी औंदे न।
----------------------
