थोह्ड़ी जेही जिंदगी प्यार नै गुजार तूं
रोह्-रोसे छोड़ियै हिरख खलार तूं ।
परती एह् जिंदगी फ्ही तुई थ्होनी नेईं
हस्सी-खेढी जिंदगी सारें नै गुजार तूं ।
पता निं केह्ड़े बेल्लै होनियां तेआरियां
किश बिंद सोच ते करी लै विचार तूं ।
ढेई जंदे मैह्ल बी, कंधां बी पक्कियां
झूठ ते फरेबै दा निं भरेआं पटार तूं ।
घर-घर-झगड़े ते बंडो-बंडी पेदी
केह् कन्नै लेना जेल्लै जाना उस पार तूं ।
रोज मत्थे टेकनां ते मंगना तूं माफियां
हर बेल्लै घोड़े पर रौह्न्ना ऐं सोआर तूं ।
पापा आह्ली गठड़ी नेईं चुक्केआं तूं , मड़ेआ
ओह्दे को लजाई नेईं होएआं शर्मसार तूं ।
