इक बुजुर्ग दी डायरी

मेरी मौती परैंत्त 
मत  खोह्‌लेआं 
मेरी डायरी ।

उ'नें ब'रकें च
जो किश लखोए दा ऐ
तुगी रास निं औना ।

की जे
उस च नेईं ऐ वसीयत 
जीवन बीमें  दियां रसीदां
जां बैंक खातें दी जानकारी ,
ओह् ते पैह्‌लें गै तेरे नांऽ न ।

उ'नें ब'रकें च ते
फरोले दा ऐ में
तेरे-मेरे सरबंधें गी
जे कु’त्थें तक्कर नभाए
ते कि'यां नभाए?

एह् डायरी 
फूकी देआं तूं
मेरी चिखा कन्नै गै
ते होई जायां तूं बी
सारें फर्जें थमां मुक्त
जि'यां  होआ 'रनां में।