फ्ही चेतें दे डूंह्गे सागर खबरै किन्ने भरदी रात
फुंग्गें-फुंग्गें, मासा-मासा, तोपा-तोपा ब’रदी रात ।
हांबी-हांबी, पूरब पासै, दिक्खै, डरदी-डरदी रात
जद लोई दा तारा सरकै, ठंडा हौका भरदी रात ।
इत पासै फाकें दे न्हेरे, उत पासै लोई दी हट्टी
जीन दुहारा मंगदी फिरदी, ढिड्डें भुक्खी मरदी रात।
दिन चढ़ेआ तां एह् सुखनें दे सारे अक्खर मिस्सी जाने
अक्ख-चबारा लीकी-लीकी ऐह्वें कंधां भरदी रात ।
केह् पीड़ें दा धुखदा बालन ठ्होरी भांबड़ करने तूं
मट्ठै सेकै जिन्नी कढ्दी, सगुआं उन्नी फ़रदी रात।
काले-गुंग्गे अक्खर इसदे, कु’न भाखे, कु’न समझे फ्ही
कत्थ मनै गी आप सनांदी, आपूं ङ्हूरे भरदी रात।
तूं चन्नै दी पोथी खोह्ल्ली, न्हेरे कित्त फरोला ना
न्हेरे पुच्छ ‘बगान्ना’ उसगी, जिसदी अक्खें ब’रदी रात।
……………………………………………
