कोई पुच्छा दा हा—
तुसें बड़े चिरे दा किश लिखेआ नेईं?
में लिखना बंद नेईं कीते दा
पर, जोका में काह्टे मते मारनां
लिखनां, कट्टी ओड़नां
फ्ही लिखनां, फ्ही कट्टी ओड़नां
काह्टें गै काह्टें नै
भरोचन लगी पेदियां न मेरियां कापियां
बाह्रलियां बी
अंदरलियां बी
बेसुरी लिखतें दे रौले च
जेल्लै सुरीलियां लिखतां डुब्बन लगन
तां उ’नेंगी कट्टना लाजमी ऐ
अपनी अंदरली लिखतें गी
परती-परती पढ़ना चाहिदा
अर्थ मुहाई चुकी दी लिखतें गी
कटदे रौह्ना चाहिदा
नेहियें लिखतें गी कट्टने करी
नमीं कविताएं गी लिखने दे थाह्र बनदे न ।
कोई पुच्छा दा हा—
तुसें बड़े चिरे दा किश लिखेआ नेईं
में लिखना बंद नेईं कीता
में जोका बड़े काह्टे मारनां, बड़े काह्टे मारनां
कोई पुच्छा दा हा, कोई पुच्छा दा हा ।
