कविता

कीता हिरख बुत्तै मिट्टी
सूई चुब्भै, ना उसगी गीह्‌टी
समझै थमां परै ओह् मेरै
अक्खीं लभदी शकल चिट्टी।
तरले पां, मिन्नतां करां
सामनै रक्खी, खंदा निं रुट्टी 
रौंह्‌दा उसदे आस्सै-पास्सै
पकड़ी रक्खां अऊं घुट्टी-घुट्टी।
छड़काया पल्ला बड़ी बारी उ’न्नै
तंद फ्ही बी कदें निं त्रुट्टी
रुस्सन निं देआं कदें उसगी
दिंदी रौंह्‌दी सनेहा-पत्तर-चिट्ठी।
पार जे करना भव-सागरै गी
त्रोड़ सब बंधन, लेई लै छुट्टी ।.