गुड आफटरनून, कृष्ण मुरारी जी
घर निं आटा-लून, कृष्ण मुरारी जी
छज्जू शाह् ने कीती बंद दुहारी जी
लोह्ड़ी कि’यां मनानी, वैरी सॉरी जी।
छे म्हीने होए तलबां थ्होए दे
अस जिया नें इ’यां जि’यां मोए दे
भली नौकरी थ्होई सरकारी जी
लोह्ड़ी कि’यां मनानी, वैरी सॉरी जी।
ब्याह् जुड़ी गेआ मेरी हुन साली दा
घर स्यापा पेदा रोज ऐ दाली दी
करो मेरा कोई चारा, कोई कारी जी
लोह्ड़ी कि’यां मनानी, वैरी सॉरी जी।
रोज लड़ाई पेदी हुन लाड़ी नै जी
कु’त्थूं आह्नी देनी हुन साड़ी मैं जी
थुब्बड़ ओह्दा ढिल्ला, चढ़ी खुमारी जी
लोह्ड़ी कि’यां मनानी, वैरी सॉरी जी।
सौह्रै कि’यां जाना, कोल कराया नेईं
बाबे दा बी बैंक्क कोई बकाया नेईं
कि’यां मनानी रुस्सी राम प्यारी जी
लोह्ड़ी कि’यां मनानी, वैरी सॉरी जी।
छप्पड़ फाड़ी केइयें गी तुस दिंदे ओ
की असेंगी जींदे मारी दिंदे ओ
लाज बचाओ मेरी, चक्करधारी जी
लोह्ड़ी कि’यां मनानी, वैरी सॉरी जी।
