नेता

लिस्सें गी 
जि’यां जाबर ढांदे आए
बनेआ र’वै अपना रुतबा
जोरै गल्ल मनोआंदे आए। 

इ’यां गै नेता -
फिरकी वादें दी चलांदे आए
लोकें गी देई झांसे मीरी दे
ते ढ़िड्ड अपने भरदे आए। 

जिसलै गल्ल चलै वोटें दी  
घर-घर जोगी फेरा पांदे आए
कम्म होई जाने पर निं लब्भन
लोकें गी चक्कर लोआंदे आए। 

भाई-चारे दी गल्ल एह् करदे 
पर धर्मै पर आपूं लड़ांदे आए
लोकें गी बनाई मत्तु
अपना कम्म चलांदे आए। 

औह्‌दे अपने दी पाई धौंस
लोकें गी डरांदे आए
बड़े स्याने  जंदे भुल्ली
तख्ते पलट बी होंदे आए। 
  
……………………………………