तूं ऐं मेरी भगवत गीता तेरा अमरत हिरख में पीता तेरी ममता ने सिंजियै एह् बूह्टा झौंगर जन कीता । मां, ओ मां मां, ओ मां तूं अंबर ऐं, तूं सागर ऐं हिरख भरोची तूं गागर ऐं तूं मैंह्दी मेरे हत्थें दी तूं ऐं परी मेरी कत्थें दी तूं मेरी ऐं केसर-क्यारी सभनें शा तूं मिकी प्यारी संवेदन दा इक समुंदर ठाठा मारै तेरे अंदर। चिंत्ता चिता बी चढ़दे दिक्खेआ धुप्पां-छामां जरदे दिक्खेआ तूं निं जे, सब खाल्ली-खाल्ली नच्चां अम्मा ताल-बेताली भुसलें, बेआसे जीवन इच्च फुल्लें दा तूं इक गलीचा। मां, ओ मां मां, ओ मां !
OUR AUTHORS
