तूं मेरी अक्खियें पर ब'न्नियै पट्टी मेरे जातै इच पाइयै गुड़ पिठ्ठी पर दित्ती थाप्पी ते आखेआ-- " टुरदा आ मेरे पिच्छें" । तेरे कदमें दा करदे अनुसरण तेरे पिच्छें- पिच्छें अ'ऊं आई बी गेआ। पर पर तूं कु’त्थें ऐं? पट्टी पुट्टियै गुहाड़ियां अक्खियां तूं कुतै निं हा तेरे थाह्र हा चबक्खी न्हेरा गुप्प डुसकने दियां बाजां जेह्ड़ियां देआ करदियां हियां गोआही जे तूं परतोई गेदा ऐं होरनें गी गुड़ खलाइयै इत्थें लेई औने आस्तै।.
OUR AUTHORS
