चुनाएं दे दिनैं
मंगदे फिरदे
भिक्खमंगे
करी हत्थ जौले
करन वोट-वोट
लाइयै सूट-बूट, टाई-कोट ।
रोड़ शोs करदे
करन जलसे-जलूस
इक-दुए दे दोश गनांदे
फाड़ी इक-दुए दा फलूस
हत्थ फडियै, पैरैं पेइयै
वोटरें गी लुभा 'रदे
फाड़ी-फाड़ी संघे
भोली जनता गी
मत्तु बना 'रदे ।
सभनें दे न बड्डे नाह्रे
सब्जबाग दस्सन
त्रोड़न दिनैं गै तारे
दलालें दा बी मता किरदार
दिक्खे कदैं तुसें अज्जै तगर
बनदे कुसै दे एह् बफादार?
सोह्गा, स्याना ते समझदार ऐ
अजकल्लै दा वोटर
बल्हाओ-फुसलाओ जिन्ना मरजी
भामें खलारो लक्खां नोट
जित्तग उ'ऐ
होग निं जि’दे च खुट्ट-खोट ।.
