पैंछियें दी फरेआद-- बंदी नेईं पाएओ
फिरन देओ अजाद-- बंदी नेईं पाएओ
पैंछियें दी फरेआद-- बंदी नेईं पाएओ ।
किन्ने सोहामे बोलदे पैंछी, मिट्ठे गीत सनांदे
भांत-सभांती बोल्लियें नै, सभनें गी भरमांदे
लाई-लाई गांदे राग-- बंदी नेईं पाएओ
फिरन देओ अजाद-- बंदी नेईं पाएओ
पैंछियें दी फरेआद-- बंदी नेईं पाएओ ।
इन्ने शैल-सन्हाके पैंछी, कु'त्थें बेहियै बनाए
क'त्थूं ले उसने रंग इन्ने, फंघड़ु खूब सजाए
सब उसदे चिड़िया-बाज, बंदी नेईं पाएओ।
फिरन देओ अजाद-- बंदी नेईं पाएओ
पैंछियें दी फरेआद-- बंदी नेईं पाएओ ।
इं'दे लेई निं कोई हद्द-बंदी, सारै फेरा पांदे
अंबरै च हठखेलियां करदे, फुल्ले नेईं समांदे
आखै करदा ‘भारद्वाज’-- बंदी नेईं पाएओ
फिरन देओ अजाद-- बंदी नेईं पाएओ
पैंछियें दी फरेआद-- बंदी नेईं पाएओ ।.
