अमरत

हुशकियां बट्टी-भट्टी
अड्डियां चुक्की-चुक्की
में हांबदा रेह्या
तुआरने गितै अमरत कलश,
जेह्ड़ा टंगे दा हा
छिक्के पर।

मृग-तरिश्ना दा ओह् छिक्का,
सगुआं
होर परेडा होंदा गेआ
होर दरेडा होंदा गेआ।

अमर होने गितै
धङानें उमर मुहाई
मेरी हाल -दुहाई 
कुसै कम्म नेईं आई।

पर
मिगी पता नेईं हा
जे
बिख डीकने आह्ला
पीड़ां छड़ीकने आह्ला
होरनें गितै जीने आह्ला
सबरै दे कटोरे पीने आह्ला 
बी
अमर होई जंदा ऐ।
———————————-