आ मितरा! मिल, मेलै जाचै
सुद्धी चलचै, भाखां लाचै।
साथें-साथें चलना चंगा
किट्ठे रलियै पैर बधाचै।
रुक्खी-मिस्सी जैसी बी है
बंडी-बिरती रलियै खाचै।
आ, किट्ठे कोई नेकी करचै मगरा
तौह् इच सुट्टी आचै।
पार झनां दे रांझन सददा
आले दिंदा, चल होऊँ आचै।
लबड़ा! बढ़कैं कम्म निं सरदा
सरदा, चुप,कम्मै मन लाचै।
इसगी कुन दानाई आक्खै
सूदै हीखी मूल गुआचै।
जालम डैन तफ़रकें आह्ली
मारी इसगी लांबू लाचै।
दर्द छपैली रखना चंगा
कुस-कुसगी रूदाद सनाचै।
सुखनें बस पतेयाया,मन्नेआ
पर दस्सो की मोह्रा खाचै।
चेता इक कोई म्हेशां कन्नै
‘निर्मल'अस जिद्धर बी जाचै।
————————————-
