होए बड़े घमंडी अत्थरूं, खबरै की नेईं ब'रदे
मोए नक्को-नक्क भरोचे, पर रेह् अक्खीं तरदे।
निम्मोझान हीखियां बी खुशियें गी हांबन
जख ठंडे सरबंधें गी फ्ही जाई पलांबन सज्जनें दा रक्कड़ हिरदे दनां क बत्तर करदे
मोए नक्को-नक्क भरोचे, पर रेह् अक्खीं तरदे।
नैनें कज्जल धार कल्पदी, तरले करदी
हिक्कड़ु इ'नेंगी लाने ताईं, बलगा करदी
एह् खारे डिग्गल ब'रियै मन-चित हौला करदे
मोए बड़े घमंडी अत्थरूं, पर रेह् अक्खीं तरदे।
झरने आंह्गर पीड़ जे पर्वत चीरी बगदी
जब्त दी जिरढ़ी घुटन कुतै मासा गै घलदी
एह् रैह्मतें आह्ले बद्दल रैह्मत की निं करदे मोए नक्को-नक्क भरोचे, पर रेह् अक्खीं तरदे।
——————————-
