इक कताबां--
मेरे शा नेईं होंदी
हुन कुसै दी झूठी तरीफ
नां गै देई सकना खिलाफ गवाही
भरोई गेआ मन लोई नै मेरा
जदूं दियां पढ़ियां
में दौं-इक कताबां।
मेले-झमेले शा बिंद दूर रौह्ने गी
समझांदा ऐ मन मेरा मेरे मनै गी
अदरां गै उट्ठियां फ्ही सोचें दियां लैह्रा
करी गे सबर किस शतूने खतोले
अंबर मेरे हिस्से दा होआ साफ भलेआं
पेआ पिड्डे बद्दल नकारे ख्यालें दा
जदूं दियां पढ़ियां
में दो-इक कताबां।
मेरे वजूदै दे मानसर इच
है ही छड़े कैंको-रौले दी खौधल
गारे ते पिलछी दा संग फ्ही छुड़का
होई गेई परै अपने आप कनूरी,
किश पे तोपे त्रेलु दे ऐसे
नित्थरी आया कमलदलै साहीं
जदूं दियां पढ़ियां
में दो-इक कताबां।
------------------------
