पुन्न-परताप करी लैओ किट्ठा
भुल्ली जाओ, कीत्ती जे कुसै ने ज्यादती ऐ
अज्ज निर्जला कास्ती ऐ ।
चंगे-चंगे कम्में दी सोचेओ सबील
ठंडे-मिट्ठे पानियै दी लाई लैएओ छबील
भेदभाव करेओ नेईं
दिक्खी उस्सी डरेओ नेईं
सद्दी-सद्दियै पलैएओ
भामें रस्ते जा’रदी म्हासती ऐ
अज्ज निर्जला कास्ती ऐ ।
दूर कैस्सी जाना ओह् तुं’दे गै बिच्च न
हसदे गै रौंह्दे, नेई पौंदे कदें जिच्च न
‘’इंद्रजीत केसर’’ न, साक्षात परमेसर न
गड़बू सुन्ने दा बी देगे
मड़ो, ताह्म्मी कम्म रियायती ऐ
अज्ज निर्जला कास्ती ऐ ।
रज्जी-रज्जी दान करो
कम्म तुस म्हान करो
फल-फरूट देने गी बी रक्खेओ निं कसर
पुन्न-परताप पक्क, मड़ो दस्सग असर
टैम अजें बी बड़ा ऐ
कल्ल मड़ो फ्ही दोआस्ती ऐ
अज्ज निर्जला कास्ती ऐ।
