बुत्त ते चुप्प-नचूक--
संसारी लैन-देन इच
बरतन-बरतान मेर-तेर इच
तुत्त-बुत्त अक्खर चुप्प-नचूक
फिरी आपूं बिच्च गल्ल-कत्थ करदे
गल्ल-कत्थ करियै परसिन्न होई जंदे
परसिन्न होइयै उलझनां सुलझांदे
उलझनां सुलझाइयै दलासा दिंदे
दलासा देइयै साथ नभांदे।
अक्खरें दे तीर
जखम करन गंभीर
अक्खरें दी मल्हम-पट्टी
जखम भरन गंभीर
कौड़े-मिट्ठे अक्खरें इच
जीवन-तत्त दी तपाश इच
हिरखी-सनेही अक्खरें कन्नै तराशदे
बोल्ले ते लिखे दे अक्खरें दा मर्म जानदे।
अक्खर तुत्त-बुत्त ते चुप्प-नचूक
शब्द-जाल दे भरम शा बाह्र निकलदे
सुखना-प्रमाण बनाई छुहाई
कदें चुप्प ते कदें आल-दुहाई
आपूं बिच्च गल्ल-कत्थ करदे न
इक-दुए दा साथ नभांदे न।
------------------------
