गज़ल

आं तेल, हीलें दा तेरा ,जो तूं चुआन लगा 
तां शुभ लगन बनी ,बैह्‌ड़ै तेरै आं आन लगा।

में उड्डना बी ऐ, बैत्तल बी नेईं खुआन लगा 
में ब’रना ऐ,बनी बद्दल, में तां गै छान लगा ।

चलां-चलां गै एह् लांदी ऐ ,ज़िंदगी बेश़क 
रमान, रुकियै बी नेईं ज़िंदगी च आन लगा ।

में नीमता आं, बो, झुकदा बदो-बदी नेईं आं 
मेरा गै भार बो, खबरै मी की झकान लगा ।

में खूसियै ते ,कुसै शा बी ,खा’रदा नेईं आं 
पचै दी दुनिया गी की नेईं, जे में आं खान लगा ।