गीत

कुद्धरा दा औंदे मेरे गीत,समझ निं औंदी
समझ निं औंदी।
पाई लैंदे काकलैं प्रीत,समझ निं औंदी
समझ निं औंदी।

अंबरै दे घेरे इच उडदे एह् रौंह्‌दे न
रात जेल्लै सलगै तां मेरै आई बसोंदे न
सदा ताईं बनी जंदे मीत,समझ निं औंदी
समझ निं औंदी।

गीतें दी खमारिया च नेइयों किश सुझदा
पीड़ मेरे हिरदे दी नेइयों कोई बुझदा
इ’यै मेरी पीड़ें दे तबीत,समझ निं औंदी
समझ निं औंदी।

गीत मेरी ज़िंदगी दा चेचा सरमाया ऐ
इं’दे लेखै लाना जेह्‌ड़ा जीवन बकाया ऐ
सुच्चड़ी दे साफ इं’दी नीत,समझ निं औंदी
समझ निं औंदी ।
………………………………