गीह्टे, पत्थर जन्नीं खन्नां
फ्ही बी इं’दी गोदीं भरनां ।
कुट्टी छच्छा शैल बनाई
कूंडै-डंडै मर्चां पाई
इं’दे चस्के पूरे करनां
फ्ही बी इं’दी गोदी भरनां ।
टुक्की-बड्ढी पांदे चार
हर पास्सै मी दिंदे मार
चुप-चपीते सब किश जरनां
फ्ही बी इं’दी गोदी भरनां ।
कोई चलांदे मिगी आरी
लक्कड़ी मेरी औंदी कारी
चु’ल्ली बिच्च बी अ’ऊं आं बलनां
फ्ही बी इं’दी गोदी भरनां ।
मी फलें दा आखन राजा
गुली मेरी दा बजदा बाजा
बच्चें दा मन गद-गद करनां
फ्ही बी इं’दी गोदी भरनां ।
पाई पतीलै तत्ता पानी
केईं बनांदे मेरा म्हानी
गर्मी बिच्च बी अ’ऊं आं कढ़नां
फ्ही बी इं’दी गोदी भरनां ।
