तेरा रूप सन्हाका असें गेआ भरमाई, गोरिये
असें थ्होई गेई ऐ जि’यां प्रभुताई, गोरिये।
आई जाएआं चाननी दी ठंडी-ठंडी लोई
तेरी आसै च बैठी दियां अक्खीं टडोई
मेरे नैनें-प्राणें च तुऐं समाई, गोरिये
तेरा रूप सन्हाका असें गेआ भरमाई, गोरिये ।
तेरे औने परैंत्त बदली जंदी ऐ ब्हार
दिलै इच्च बसदी ऐ तेरी गै नुहार
कुतै जाएआं नेईं तूं असें ठुकराई, गोरिये
तेरा रूप सन्हाका असें गेआ भरमाई, गोरिये ।
बरान हाँ जो कल्ल अज्ज होआ सतरंग
मेरी जिंदु पर चढ़ी गेआ हिरखै दा रंग
तुगी दिक्खी चन्न जंदा ऐ शरमाई, गोरिये
तेरा रूप सन्हाका असें गेआ भरमाई, गोरिये ।
…………………………………………………
