गीत

आई पौंगरा दी ब्हार
फुल्ल खिड़े बेशमार
मन सद्धरां जगाऽ दे
भाव कूले मनै आह्‌ले
खुशियां मनाऽ दे।

ब्हाऊ दे फनूके मेरे बेह्‌ड़े गी शंगारै दे
इत्रें-सगंधियें दे खूब छट्टे मारै दे
लोरे कश्बोइयें दे मिट्ठे गीत गा दे।

पौंगरा दी ब्हार नमीं हीखियें दी ब्हार ऐ
इस ब्हारै कीता मेरे गीतें दा शंगार ऐ
चाऽ नमें कन्नैं आनी साज़ बजाऽ दे।

भौरें दियें जीह्‌बें पर फुल्लें दी मठास ऐ
उं’दे गित्तै ‘किप्पी’ एह्‌की रुत्त मती खास ऐ
चाएं-चाएं खिट्टां देई चूंबे न लेहा दे।