गज़ल

हुसन जुआनी ते नोखा शबाब दिक्खै नां
त्रेलें न्हाते दा चेह्‌रा गुलाब दिक्खै नां ।

एह् केह्‌ड़े संगतराश ने घड़ी तेरी मूरत
नमूना कारीगरी लाजवाब दिक्खै नां ।

कुसै कवि दी ऐं तूं शाह्‌कार रचना
उड़ान कल्पना दी बेहिसाब दिक्खै नां ।

गज़ल मेरी, तूं मढ़ोई दी संगमरमर इच
में तेरे बोलने दे किन्ने ख्वाब दिक्खै नां ।

सिफ़त करां में तेरी  कि’यां इस जीह्‌बा नै
बो छाती मारदा ठाठां चनाब दिक्खै नां ।