जिंद भाएं हुट्टी गेई, छाले पैर-पैर ऐ
मरियै बी जाना असें, मित्तरें दे शैह्र ऐ।
जित्थै खेडे खि’न्नू-गीह्टे, चढ़ियां जोआनियां
पैह्ले-पैह्ले प्यार दियां, जित्थै ने नशानियां
लूर-लूर जित्थै फिरे, दिक्खनी ओ गैह्ल ऐ
मरियै बी जाना असें, मित्तरें दे शैह्र ऐ।
हस्सी जान वारी दिंदे, यार अनमुल्ले ने
दोखियें ते बैरियें दे, चेते नेईंयों भुल्ले ने
मती सारी खुशियां ने, मासा जेहा जैह्र ऐ
मरियै बी जाना असें, मित्तरें दे शैह्र ऐ।
केह्ड़ी गल्लें यार मेरा, मेरे शा रुस्सी गेआ
हास्से-हास्से शैह्र मेरा, मेरे शा छुड़की गेआ
होर किश मंगदा नेईं, बस ओह्दी खैर ऐ
मरियै बी जाना असें,मित्तरें दे शैह्र ऐ।
——————————————-
